గంజాయి బ్యాచ్‌లకు చెక్!

గంజాయి బ్యాచ్‌లకు చెక్!
నెల్లిమర్లలో డ్రోన్ నిఘా
* గంజాయి విక్రయ, వినియోగదారులపై పంజా విసరణున్న ఎస్ ఐ గణేష్

​నెల్లిమర్ల, దివ్య దర్శిని  న్యూస్; 

 నెల్లిమర్ల పోలీసులు గంజాయి విక్రయదారులు, వినియోగదారులపై ఉక్కుపాదం మోపుతున్నారు. ఆదివారం నెల్లిమర్ల పట్టణంలో పలు  ప్రాంతాల్లో డ్రోన్ కెమెరాల సహాయంతో ముమ్మర తనిఖీలు చేపట్టారు.
​చంపావతి నదీతీరం
​టిట్కో  గృహ సముదాయ పరిసరాలు,
​పట్టణ శివారులోని నిర్మానుష్య ప్రాంతాలను పరిశీలించారు.
​ఈ సందర్భంగా ఎస్ఐ గణేష్ మాట్లాడుతూ.. ఎస్పీ ఆదేశాలు మేరకు డ్రోన్లతో నిఘా ఏర్పాటు చేశామని చెప్పారు. డ్రోన్లు వాడకం వల్ల నిర్మానుష్య ప్రాంతాల్లో గంజాయి సేవిస్తున్న వారిని గుర్తించడం చాలా సులభమైందని తెలిపారు.
​ఎవరైనా గంజాయి సేవిస్తూ పట్టుబడితే చట్టపరమైన కఠిన శిక్షలు తప్పవని హెచ్చరించారు. ఒకవేళ ఎవరైనా ఈ వ్యసనానికి బానిసై బయటపడలేకపోతే, అలాంటి వారికి పోలీసుల ఆధ్వర్యంలో డి-అడిక్షన్ సెంటర్లకు పంపి కౌన్సిలింగ్ ఇప్పించి మార్పు తీసుకొస్తామని సూచించారు.
​మీ చుట్టుపక్కల గంజాయి విక్రయిస్తున్నారా?
​నేరాలు మరియు గంజాయికి సంబంధించిన సమాచారం తెలిస్తే ప్రజలు నిర్భయంగా పోలీసులకు ఫిర్యాదు చేయవచ్చు. సమాచారం అందించిన వారి వివరాలు అత్యంత గోప్యంగా ఉంచబడతాయని చెప్పారు.
​ఫోన్ ద్వారా గాని వాట్సాప్ మెసేజ్ ద్వారా 9121109444 నెంబరు కి సమాచారం ఇవ్వాలని కోరారు.  గంజాయి రహిత సమాజాన్ని నిర్మించడంలో ప్రతి ఒక్కరూ భాగస్వాములు కావాలని కోరారు.