దైవ మందిరాలకు శ్రీవాణి ట్రస్ట్ ఆర్థిక సహకారం

దైవ మందిరాలకు శ్రీవాణి ట్రస్ట్ ఆర్థిక సహకారం
దేవరాపల్లి దివ్యదర్శిని న్యూస్...
తిరుమల తిరుపతి దేవస్థానంకి చెందిన శ్రీవాణి ట్రస్టు ఆర్థిక సహకారంతో మాడుగుల నియోజక వర్గంలో 12 భజన మందిరాలను నిర్మించనున్నట్లు ఎమ్మెల్యే బండారు సత్యనారాయణమూర్తి పేర్కొన్నారు. ఈ మందిరాల నిర్మాణానికి రూ. 100 కోట్లు మంజూరయ్యిందన్నారు. వీటిని మూడు రకాలుగా విభజించి, ఒక్కొక్క దానికి రూ. 10 లక్షల నుంచి రూ. 20 లక్షల వరకు ఖర్చు చేస్తారన్నారు. ఈ వివరాలను ఆయన గురువారం విలేకరులకు ఫోను ద్వారా తెలిపారు. నియోజక వర్గంలో రూ. 20 లక్షల వ్యయంతో దేవరాపల్లి మండలంలో కలిగొట్ల శివాలయం, ఎ. కొత్తపల్లి మరిడిమాంబ గుడి, దేవరాపల్లిలో విఘ్నేశ్వర, అయ్యప్ప స్వామి
ఆలయం, మాడుగుల మండలం కె.వల్లాపురం రామాలయం, కె.కోటపాడు మండలం కింతాల శివారు గొల్లలపాలెంలో శ్రీకృష్ణుడి గుడి, సూదివలసలోని నూకాంబికా అమ్మవారి ఆలయ భజన మందిర నిర్మాణం చేస్తారు. రూ. 15 లక్షల వ్యయంతో మాడుగుల మండలం పొన్నవోలు రామాలయం, కె.కోటపాడు మండలం గుల్లేపల్లి శివాలయం వద్ద భజన మందిరం నిర్మిస్తారు. రూ.10 లక్షల వ్యయంతో మాడుగుల మండలం తాటిపర్తి శివారు కాశీపురంలో రామాలయం, కె.కోటపాడు మండలం డి. అగ్రహారం రామాలయం, పిండ్రంగి అభయాంజనేయ స్వామి ఆలయం, దేవరాపల్లి మండలం కె.ఎం.పాలెం సన్యాసమ్మతల్లి అమ్మవారి గుడి దగ్గర వీటిని నిర్మిస్తారు. కాగా భజన మందిరాల నిర్మాణానికి అవసరమైన స్థలాలను ఇప్పటికే గుర్తించడం జరిగిందని ఎమ్మెల్యే తెలిపారు. త్వరలో వీటి నిర్మాణం చేపట్టడం జరుగుతుందన్నారు.