" సీతానగరం మండలంలో పెద్దపులి అలజడి "

 తూర్పుగోదావరి జిల్లా రాజానగరం నియోజకవర్గం సీతానగరం మండలం లో పలు గ్రామాలలో పులి తిరుగుతున్నట్లుగా ఫారెస్ట్ అధికారులు సమాచార ప్రకారం అందిన వార్త. సీతానగరం మండలంలో చిన్న కొండేపూడి, పెద్ద కొండేపూడి చీపురుపల్లి, అచ్చయ్యపాలెం, నాగంపల్లి, పురుషోత్తపట్నం, మరియు దేవీపట్నం మండలానికి సంబంధించి నేలకోట, అంగులూరు, శరభవరం, దేవారం, చిన్నారి గండి పలు గ్రామాలలో పెద్దపులి తిరుగునట్లుగా ఫారెస్ట్ రేంజ్ అధికారులు తెలియజేశారు. కావున ప్రజలు అప్రమత్తంగా ఉండాలని, రైతులు పొలాలకు వెళ్లేటప్పుడు తగు జాగ్రత్తలతో వెళ్లాలని ఒంటరిగా వెళ్లవద్దని ముగ్గురు లేకుండా నలుగురు చొప్పున వెళ్లాలని అన్నారు. పశువులు మేతకు వెళ్లేటప్పుడు తగు జాగ్రత్తలు తీసుకోవాలని వీలైతే రెండు లేక మూడు రోజులు ఇంటి వద్దనే ఉంచాలని హెచ్చరించారు రాత్రి సమయంలో ఎవరు ఒంటరిగా బయటకు రావద్దని అన్నారు. ఉదయం 8 : గంటల వరకు బయటకు రావద్దని ఒకవేళ అవసరమైతే తోడుగా ఎవరినైనా తీసుకొని బయటకు వెళ్లాలని హెచ్చరించారు. ఈ పులిని ఫారెస్ట్ అధికారులు బంధించే వరకు ప్రజలందరూ అప్రమత్తంగా, జాగ్రత్తగా ఉండాలని సీతానగరం తాసిల్దార్ ఏ శ్రీనివాస్, ఎస్ ఐ. రామ్ కుమార్ ప్రజలకు విజ్ఞప్తి చేశారు.