వైఎస్సార్సీపీ గెలుపే లక్ష్యంగా పార్టీ శ్రేణులు పనిచేయాలి - మాజీ డిప్యూటీ సిఎం బూడి ముత్యాలనాయుడు

వైఎస్సార్సీపీ గెలుపే లక్ష్యంగా పార్టీ శ్రేణులు పనిచేయాలి
- మాజీ డిప్యూటీ సిఎం బూడి ముత్యాలనాయుడు
దేవరాపల్లి దివ్యదర్శిని న్యూస్...
త్వరలో జరగనున్న స్థానిక ఎన్నికల్లో వైఎస్సార్ సీపీ గెలుపే లక్ష్యంగా పార్టీ శ్రేణులంతా క్షేత్ర స్థాయిలో కష్టపడి పనిచేయాలని మాజీ డిప్యూటీ సీఎం బూడి ముత్యాలనాయుడు అన్నారు. మాడుగుల నియోజకవర్గం బీసీ సెల్ అధ్యక్షుడిగా నియమితులైన  కాశీపురం గ్రామానికి చెందిన ఆదిరెడ్డి త్రినాథస్వామి మాజీ డిప్యూటీ సిఎం బూడి ముత్యాలనాయుడును కాశీపురంలో బుధవారం మర్యాద పూర్వకంగా కలిశారు. ఈ సందర్భంగా ఆదిరెడ్డి త్రినాథ స్వామిని మాజీ డిప్యూటీ సీఎం ముత్యాలనాయుడు ప్రత్యేకంగా అభినందించారు. అనంతరం తనను నియోజకవర్గ బీసీ సెల్ అధ్యక్షుడిగా నియమించిన మాజీ డిప్యూటీ సిఎం బూడికి త్రినాథ స్వామి కృతజ్ఞతలు తెలియజేశారు. స్థానిక వైఎస్సార్ సీపీ నాయుకులతో కలిసి గ్రామంలో పార్టీని మరింత బలోపేతం చేసేందుకు శక్తి వంచన లేకుండా కృషి చేస్తానని త్రినాథ స్వామి తెలిపారు. ఈ కార్యక్రమంలో దాసరి మంగునాయుడు, బండారు దేముడునాయుడు, దాసరి గోపి, చలుమూరి చంద్రమోహన్, ఆదిరెడ్డి కన్నంనాయుడు, ఈర్లె రాము, ఆదిరెడ్డి మహలక్ష్మీనాయుడు, తదితర వైఎస్సార్ సీపీ నాయుకలు ఉన్నారు.